ШӖМ тунӑ сӑн

Ака уйӑхӗн 26-мӗшӗнче ирхи 4 сехетре Шупашкарти Чернышевский урамӗнче ларакан васкавлӑ медпулӑшу машинине 34 ҫулти арҫын кӗнӗ те ӑна хваттер уҫсипе тапратма хӑтланнӑ. Пралуксене сыпӑнтарас тесе панеле те ҫӗмӗрнӗ.

Юрать-ха, ӗҫе вӗҫне ҫитереймен. Ӑна ҫав вӑхӑтра тухтӑрсем асӑрханӑ та ҫийӗнчех полицие шӑнкӑравланӑ.

Палӑртмалла: ҫак арҫын унччен те судпа айӑпланнӑ. Хальхинче вӑл мӗншӗн ҫапла хӑтланнине ӑнлантарса парайман.

Арҫын тӗлӗшпе пуҫиле ӗҫ пуҫарнӑ. Следстви вӑхӑтӗнче унӑн тухса ҫӳреме юрамасть.

#транспорт, #васкавлӑ пулӑшу, #полици, #Шупашкар, #пӑтӑрмахсем