Пӗлтӗртенпе пирӗн ҫӗршывра Йывӑр хӗрарӑмсен кунне ҫулталӑкра икӗ хутчен палӑртма йышӑннӑ. Ӑна ака уйӑхӗн 7-мӗшӗнче тата юпа уйӑхӗн 7-мӗшӗнче палӑртаҫҫӗ. Ҫавна май ӗнер Шупашкар хулинчи 1-мӗш клиника больницинчи Амӑшӗн шкулӗнче тӗлпулу иртнӗ.
Унта тӗрлӗ специалист хутшӑннӑ. Пӗрисем кӑкӑр ӗмӗртни ачашӑн мӗн тери усӑллӑ пулни ҫинчен каласа кӑтартнӑ, теприсем йывӑр лару-тӑрӑва лексен хӗрарӑмсене кам пулӑшни ҫинчен ӑнлантарса панӑ.
Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗн психологӗ Ирина Кириллова йывӑр лару-тӑрури хӗрарӑмсене пулӑшакан уйрӑм пурри ҫинчен каласа кӑтартнӑ. Вӑл уйрӑм Хусанкай урамӗнчи 29а ҫуртра вырнаҫнӑ. Унта хӗрарӑмсене виҫӗ уйӑх усраҫҫӗ.
Чӑваш Енре пурӑнакансенчен пыршӑлӑх ракӗпе чирлекен нумай. Иртнӗ ҫул ҫак амака тепӗр 700 ҫынӑнне тупса палӑртнӑ. Паянхи кун тӗлне республикӑри онкологсем патӗнче 4 пин ытла ҫын учётра тӑрать.
Пыршӑлӑх ракне илсен, арҫынсем те унпа нушаланаҫҫӗ. Ӳпке, ӳт, предстательнӑй пар ракӗ хыҫҫӑн вӑл чир тӑваттӑмӗш вырӑн йышӑнать. Хӗрарӑмсен вара кӑкӑр шыҫҫипе ӳт ракӗ хыҫҫӑ виҫҫӗмӗш вырӑн.
Федерацин Шупашкарта вырнаҫнӑ травматологи, ортопеди тата эндопротезровани центрӗ 15 ҫул тултарнӑ. Ҫав ятпа коллектива Чӑваш Енри тӗп федераци инспекторӗ Григорий Сергеев саламланӑ. Паллӑ кунпа вӑл Раҫҫей Президенчӗн Атӑлҫи федераци округӗн тулли пайталлӑ элчи Игорь Комаров ячӗпе ырӑ суннӑ.
«Паян центр республикӑра ҫеҫ мар, Раҫҫейре сумлӑ учрежденисенчен пӗри пулнинче сирӗн тӳпе пысӑк. Кунта пысӑк шайри профессионалсем ӗҫлеҫҫӗ. Центрта хальхи вӑхӑтри медицина оборудованийӗ пурри тӗнче шайӗнчи тӗпчевсем ирттерме, ҫынсене ҫӗнӗ йышши мелсемпе сиплеме май парать», – тесе палӑртса хӑварнӑ Григорий Сергеев.
Чӑваш Енре пурӑнакан хӗрсем шашкӑлла выялссипе ӑмӑртнӑ. Турнира респуликӑри хӗрарӑмсен канашӗпе Спорт министерстви йӗркеленӗ.
Ӑмӑртӑва хутшӑнакансен 5 парти выляма тивнӗ. Кашни патри 10 минут тӑсӑлнӑ.
Телеграмри «Чӑваш Ен калаҫать» каналта пӗлтернӗ тӑрӑх, «шашкӑсен патша майрин кӑшӑлне икӗ пике тӑхӑннӑ». Республикӑри вӗренӳ учрежденийӗсен чысне хӳтӗленисенчен Чӑваш патшалӑх университечӗн студентки Анастасия Павлова палӑрнӑ, тӗрлӗ пӗрлешӳ чысне хӳтӗлекенсенчен — Шупашкарти 1-мӗш клиникабольницинчи Марина Еремеева.
Йӗркелӳҫӗсем турнира хутшӑннӑ пур пикене те тав хучӗпе чысланӑ, илемлӗ чечекпе савӑнтарнӑ.
Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта тӑрӑшакансен сывлӑха тӗрӗслес тесе больница тӑрӑх ҫӳреме кирлӗ мар. Кунта сӑмах ҫулсерен тухакан медицина тӗрӗслевӗ пирки пырать.
Социаллӑ учреждени Хулари 1-мӗш клиника больниципе ятарлӑ килӗшӳ унти тухтӑрсем ӗсе пырсах сывлӑха тӗрӗслеҫҫӗ. Юн тата ытти анализа та унтах илеҫҫӗ. Черетлӗ медтӗрӗслев витӗр хальхинче 159 ҫын тухӗ. Тухтӑрсен бригади учрежденире икӗ кун ӗҫлӗ. Шурӑ халатлисене йывӑр тивесрен тата социаллӑ сферӑра ӗҫлекенсене черетре тӑратасран кашни структура подразделенине вӑхӑт уйӑрса панӑ.
Паянпа ыран тӗрӗслев витӗр тухманнисене ҫулла тӗрӗслӗҫ.
Улатӑр районӗн пульницине вӑрах вӑхӑт эрех ӗҫсе пурӑннӑ пациента илсе килнӗ. Вӑл панкреатитпа аптӑраса ӳкнӗ.
Хирурги уйрӑмӗнче темиҫе кун сипленнӗ хыҫҫӑн унӑн «белая горячка» пуҫланнӑ. Арҫын малтан палатӑри кӳрши ҫине сиксе ӳкнӗ, унтан кашӑк ярса тытнӑ та ӑна хӑйӗн куҫне чикнӗ. Кун хыҫҫӑн тӑнсӑр кайса ӳкнӗ.
Республикӑри клиника пульницинчен часрах нейрохирург чӗнсе илнӗ. Вӑл ҫитиччен пацента рентген, компьютер томографийӗ тунӑ.
Тухтӑрсем арҫыннӑн пурнӑҫне кӑна мар, тепӗр куҫне те сыхласа хӑварнӑ. Унӑн пӗр пайӗн парализаци пулнӑ. Халӗ вӑл реабилитаци тухать.
Шупашкар хулинчи 1-мӗш клиника пульницинче йышӑнупа диагностика уйрӑмне юсаса пӗтернӗ. Сывлӑх сиплев учрежденийӗнче пӗлтернӗ тӑрӑх, ҫынсемшӗн пӗлтерӗшлӗ уйрӑм халӗ самана ыйтнине тивӗҫтерет.
Чирлисене васкавлӑ пулӑшу кӳме «врач пациент патне» ҫӗнӗ меле ӗҫлеттерсе янӑ. Ун пеккипе усӑ курнин тухӑҫлӑхне тӗп медицина центрӗсенче ҫирӗплетсе панӑ ӗнтӗ.
Йышӑну уйрӑмӗ талӑкӗпех ӗҫлет. Кунсерен унта 250-300 ҫынна илсе пыраҫҫӗ. Вӗсем — терапи, хирурги, травматологи енӗпе чирлисем. Йышӑну уйрӑмӗнче тӗплӗн тӗрӗслеҫҫӗ, унтан вӑл е ку ҫынна ӑҫта вырттарассине палӑртаҫҫӗ.
Андрей Власов тӗп врач пӗлтернӗ тӑрӑх, чире кура пациентсем валли «хӗрлӗ», «сарӑ», «симӗс» коридорсем пӑхса хӑварнӑ. Чирлисене васкавлӑ тата планпа пынине шута илсе ҫеҫ мар, чир профилӗпе те — терапи тата хирурги — уйӑраҫҫӗ.
Йышӑну уйрӑмӗнче администратор должноҫне ҫирӗплетнӗ. Шӑпах вӑл пациентсене ӑҫта ямаллине йӗркелесе тӑрать те.
Республикӑн кардиологи диспансерӗнче Чӑваш Ен ҫыннисем ҫеҫ мар, урӑх регионсемпе ют ҫӗршыв ҫыннисем те сипленеҫҫӗ.
Больницӑра пӗлтернӗ тӑрӑх, асӑннӑ учрежденире ҫулсерен 8 пин ытла ҫын сипленет, 40 пин ытла пациента тӗрлӗ консультаципе пулӑшаҫҫӗ.
Кардиодиспансера хальхи вӑхӑтри диагностика тата сиплев оборудованийӗпе пуянлатнӑ. 2023 ҫулта унти специалистсем урӑх регионсенчи 200 ытла ҫынна пулӑшнӑ. Вӗсен йышӗнче Мари Элти 4 ҫын, Тутарстанран — 18, Чулхула облаҫӗнчен — 24, Чӗмпӗр облаҫӗнчен — 11, Мускавпа Мускав облаҫӗнчен — 38. Камчаткӑпа Крым, Чукоткӑпа Ямал тӑрӑхӗнчен те кунта килнӗ.
Унсӑр пуҫне ют ҫӗршыри 200 ытла ҫынна пулӑшнӑ: вӗсенчен 150-шне — амбулатори мелӗпе, 50 ытларах ҫынна — стационарта.
Шупашкар хулинчи Вӑрҫӑ ветеранӗсен госпиталӗнче тухтӑрсем Уҫӑ алӑксен кунне ирттерӗҫ. Вӑл кӑрлач уйӑхӗн 13-мӗшӗнчеиртӗ. Асӑннӑ больница Шупакшарти Мускав проспектӗнчи 49-мӗш ҫуртра вырнаҫнӑ.
Уҫӑ алӑксен кунӗнче эндокринологсем, уролог, оториноларинголог, гинеколог, невролог, кардиолог, хирург, офтальмолог, гастроэнтеролог йышӑнӗҫ. Унсӑр пуҫне функци диагностикин пӳлӗмӗ ӗҫлӗ.
Специалистсем 8 сехетрен пуҫласа 13 сехетчен йышӑнӗҫ, терапевт — 8 сехетрен пуҫласа 14 сехетчен.
Уҫӑ алӑксен кунне 8 (8352) 45-05-45, 8(8352) 45-07-70 телефон номерӗсемпе шӑнкӑравласа ҫырӑнмалла.
Ҫӗмӗрле хулинчи поликлиника ӗҫлемест, ӑна 2025 ҫулта ҫеҫ тӗплӗн юсӗҫ.
Чӑваш Ен Элтеперӗ Олег Ниолаев нумаях пулмасть ирттернӗ тӳрӗ лини вӑхӑтӗнче ун патне Ҫӗмӗрле хӗрарӑмӗ шӑнкӑравланӑ, вӑл Ҫӗмӗрлери хула больници мӗншӗн ӗҫлеменнипе кӑсӑкланнӑ.
Республикӑн Сывлӑх сыхлав министерствинче уҫӑмлатса панӑ тӑрӑх, 2-мӗш поликлиника вӑхӑтлӑха ӗҫлемест, мӗншӗн тесен ҫав ҫурта тӗплӗн юсамалла. Ӗҫе 2025 ҫулта ҫеҫ пурнӑҫлӗҫ.
Унта Республикӑн ӳтпе венерологи диспансерӗн тата Республикӑн нарколог диспансерӗн диспансер уйрӑмӗсем те унта пулӗҫ.
Ҫӗмӗрлере пурӑнакансен хальлӗхе хулари 1-мӗш поликлиникӑна ҫӳремелле.
+8.3 °C