Хĕрт сурт
Манюк мăшăрăма
Авал чăвашăн кăмаки çинче
Хĕрт-сурт тӳлеккĕн пурăннă иккен.
Пăри пăтти чӳкленĕ каçсенче
Вăл курăннă шур тумлă ыр пикен:
Сурпанлăскер, вăл уйăх çутипе
Пĕтĕр-gĕтĕр! арланă кĕнчеле.
Çапла кил пурнăçне хăй ĕçĕпе
Пыма пилленĕ сĕт çулĕпеле.
Е кучченеç пуçламалла пулсан,
Малтан ăна вăл пăхнă астивсе.
Е ĕçкĕре хаваслă сăйлансан,
Ăна тав тунă «тав сăя!» тесе.
Вучахăмăр хуçи, кил-йыш сыхчи,
Вăл çирĕп тытнă пӳртĕн никĕсне.
Ĕрчевлĕ пултăр тенĕ ачипчи,
Сыхланă кил тирпей-илемлĕхне.
Ай-яй, маттур иккен чипер хĕрт-сурт:
Ытах та харкашу лăпланмасан,
Килтен писет вăл, саланать тет çурт,
Ăнмасть вара хай пурнăçу та сан...
Эй, мăшăрăм! Нумай-нумай сăмах
Сана каламаллаччĕ тав туса —
Телей тĕрекĕ пулнă тусăма
Нимех те калаймарăм-çке тупса.
Эй, ыр хĕрт-суртăм, ырă пирĕшти!..
Çапла чĕнем-и халĕ те пулин?
Эс пуррипе ăнать кун-çул утти,
Эс пуррипе вăл туйăнать туллин.
Кил-йыш перекетне, тирпейлĕхне
Тытса пыратăн эсĕ чи малтан.
Чĕре канăçлăхне, çирĕплĕхне
Эсех упратăн петĕм вăй-халтан.
Эс — манăн куç илемĕ, чун ăшши, —
Пыринччĕ вăл элчелĕм çитиччен.
Сана епле юравлă пулам-ши,
Эс хăв мана юранă пек хальччен?
Ар пуçăмпа, тен, манăн ытларах
Вăй хумаллаччĕ йывăр кӳлĕмре.
Пĕлсем эппин: ман ĕмĕт çапларах —
Кун-çул ăна кăлартăрччĕ тӳрре!
Вулавçăсен шухăшĕ
Çĕнĕ комментари хуш
izachak1938 (2016-05-30 05:22:13):
За печкой у чуваша в старину
С семьею вместе жил и домовой.
В ночи, как кашу посвятят ему,
Семье являл прекрасный образ свой -
«Наряженная дева при луне;
Сидит, прядет за прялкою одна;
Своим трудом прилежным в тишине,
Пути на млечный путь сулит она»….
Когда дары готовиться начнут,
Присмотрит он, чтоб славным быть тому;
А празднества удачливо пройдут,
Сперва, «спасибо», скажут все ему.
И дети чтоб в ладу росли семье…
Надежный страж, хранитель очага;
Чтоб уважали дом в округе всей,
Семейные устои опекал.
О, он повсюду успевал, тот домовой,
Но, если есть раздоры в томе том,
Уходит он, покинув дом такой -
Развалится уже семья потом…
Эх, женушка! Как много добрых слов
Всегда хотел я высказать тебе…
Что счастлив я, что жив я и здоров,
Благодаря тебе лишь и судьбе.
Ты добрый ангел мой, мой домовой,
Позволишь ли так обращаться мне?
Лишь оттого, что рядом ты со мной,
Жизнь удалась и счастлив я вполне.
Порядок в доме, мир, покой в семье
И это все ведь на твоих плечах!
На сердце и в душе покойно мне,
Все оттого, что ты хранишь очаг.
Ты прелесть глаз моих, тепло души,
Ты мне судьбы счастливой добрый дар.
Любви к тебе всю жизнь готов служить,
Жизнь положил бы на любви алтарь.
Мужчине, мне бы заставлять себя
По жизни трудности твои тащить.
Мои мечты – чтобы всегда любя
С тобою вместе жизни путь вершить….
izachak1938 (2016-05-30 07:18:04):
"О, он повсюду успевал, тот домовой"...
читать: "Он всюду успевал, тот домовой"