Хĕл çывхарать
Таврана халь ыйхă пусрĕ,
Тĕлĕреççĕ йывăçсем.
Шурă хурăн пуçне усрĕ —
Тек юрламĕç шăпчăксем.
Шухă çил тытса лăскарĕ,
Хĕрхенмерĕ хурăна.
Çăкасем патне васкарĕ —
Чарма çук халь тек ăна.
Ир енне çĕркаç тăм ӳкрĕ,
Ĕшнери çут сак çине.
Шăрчăк тус та шăнса кӳтрĕ,
Сисрĕ хĕл çывхарнине.
Вулавçăсен шухăшĕ
Çĕнĕ комментари хуш
Галина (2017-03-18 12:12:40):
Аранах сайт çуталчĕ! "Ватлăха эп читлĕхе хупатăп" ытлашши нумай вăхăт хушши çакăнса тăчĕ.
Ачсаене валли питех те хитре сăвăсем вырнаçтарнă.