Романтикăллă тĕлĕрӳ

Андрей Петтоки | Поэма | 1933 | 8 146


Уй-хирĕ, пахчи!..

 

Çĕршывăм шăртланчĕ

Хурăçăн йĕп-шăртăн,

Тăшмана ватмашкăн

Хатĕр çĕн тĕнче.

Тытăнччăр! Хăтланччăр!

— Тухĕç сĕрлен хуртăн

Ушкăн хыççăн ушкăн

Вĕçевçĕсем пиншер!

 

Чăнкă, кăвак пĕлĕт

Асрĕ аслатийĕн...

Мотор шавĕн хумĕ

Çурчĕ таврана.

Катаран, чик тĕллĕн

Таврăçнă çĕр çийĕн

Тарсăр вăрçă умĕн

Тӳнчĕ самана.

 

Çук!

Памастпăр, тӳнмĕ!

Пирĕншĕн — пур çĕрĕ,

Эпĕр ăна илнĕ

Тарлă чĕр юнпа.

Çук, хуплаймăр — сӳнмĕ

Хĕвеллĕ тупăш йĕрĕ.

— Уншăн пинĕн вилнĕ...

— Пĕтĕçнĕ унпа...

 

Тухрăмăр!..

Утатпăр!..

Каятпăр!..

Утатăп...

Каятăп...

Трам-там!..

Сарлать тавра

Кĕмсĕртетсе,

Çут кун шавне

Пусса,

Мĕльюн уран янран шавра...

Утатăп —

Мĕльюн алăн вăйне

Пĕр мăшăр чăмăра

Хытарса.

Утатăп —

Мĕльюнсен çиллине

Пĕр кăккăрăм ăшне пуçтарса.

Утатăп —

Мĕльюнсенĕн ĕмĕтне

Тĕнчипе вут-çулăмăн

Сарма.

Утатăп —

Вĕç-хĕррисĕр çĕр питне

Çĕн пурнăçăн илемĕпе

Карма.

................................................

Шак-шак!..

Шаккарĕç сасартăк.

Вăранатăп

Вĕçсĕр тĕлĕкрен.

Сехет чарăнайнă

Тăххăрта.

Астурăм тин —

Пулман-мĕн кĕрет...

Миме аташнă-мĕн

Ыйăхра.

Сĕтел çине хаçат тĕрки —

Çĕнрен хыпар паркийĕ выртнă.

Куç умĕнче сăмах йĕрки

Вылять,

Кусать,

Чупать

Хăвăрттăн,

«...Тĕпкомăн пленумĕ...

Доклад...

Пĕрремĕш пилĕкçуллăх итогĕсем.

Докладчик — Сталин...

...Большевикла

Иртейрĕмĕр хуса çитсе...»

Татах вулатăп,

«...Çĕршывра

Мĕн пур хуçалăх

Пайсене

Пур техникăн хавалĕпе

Сыхлăх ĕçне çирĕплетмешкĕн

Тăрайнă тĕп задача умра.

— Пур тĕрлĕ интервенцине,

— Пур вăрçă хăрушăлăх пуçне

Пур вăхăтра çапса ватмашкăн...»

 

«...Пилĕкçуллăх пулчĕ

Тăваттăра,

Çĕршер çĕн хапрăк-савăтсем,

Çĕн машинсем,

Çĕн тупăшсем...

Тĕнче курми

Çĕнтерӳсем...»

«...Вăйсăр, тĕрексĕр

Çĕршывран

Совет Союзĕ чи вăй-халлă

Ним инкеке пĕр пăхăнман,

Пур тăшмантан та сыхланма

Кирлĕ таран тар-хĕç-пăшал

Ытлашшипех хатĕрлесе

Хăйĕн çарне çирĕплетме

Пултаракан

Çĕршыв

Пулайрĕ...»

 

Тĕлĕкре мар халь, кĕретех

Пуçа хăюллăн, çӳллĕ ухрăм.

Çĕн сывлăшпа çĕн черете

Çĕн пурнăçа кĕме эп тухрăм.

Çĕршыв илемлĕхпе çиçет.

Ĕç тапăмĕ тулли тулайнă.

Пирĕн енне тайлать виçе —

Пире пуласлăх парăнайнă.

 

12/2—33 ç., Шупашкар

■ Страницăсем: 1 2 3

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: