Ман ывçăмра
Пĕчĕкçĕ пăнчă евĕр
Вăрă.
Мĕн шăтĕ-ши,
Çак пĕчĕк пĕрчĕрен?
Ку çарăк пулĕ-ши,
Е роза,
Е
Кăвар пек çунан
Çеçенхир чечекĕ-ши?
Çак пĕрчĕре
Туни, çулçи,
Чечекĕпе тымарĕ те
Вырнаçнă.
Унтах тата
Тĕлĕнмелле шăрши!
Паттăр пĕрчĕ!
Мĕн чухлĕ япала вăл
Йăтнă!
Хăш чух
Кăшт çеç тымар яра пуçланă
Çакăн пек пĕрче
Таптаççĕ ăнсăртран.
Пурпĕрех вăл ăнтăлать
Хĕвел патне.
Ух, паттăр!
Паттăр пĕрчĕ!