Кăвак кăвакарчăн ман пулас,
Карлăк çине ларса юр юрлас,
Тертпе асап çинчи тăвансене
Ыр сăмахпа кăштах пулăшас.
Кăвак кăвакарчăн пулайсан,
Çунат сулса вĕçме пултарсан,
Вĕçĕттĕмччĕ тăван çĕршыва -
Атте-анне панă çĕршыва
Кунта, ютра, тусем хитре мар,
Кунта, ютра, çырми таса мар.
Пĕлĕчĕ те ялан хуп-хура,
Хуйхă-терчĕ пĕрмай хам çумра.
Ютра эпир телей тупас çук,
Ютра эпир канăç тупас çук.