Килет ман ăмсану е тарăху
пурнăçăмри çав иртнĕ кунсене те:
вĕсем иртейрĕç сансăр! Ӳкĕнетĕп:
вĕсем — ман тунсăх, сан çамрăклăху.
Вĕсем çухалчĕç мансăр! Чăрсăр хум
çыраналла васканăн вирхĕнетĕп —
çав кунсене тытма ĕмĕтленетĕп,
хуса çитме кăшт пулăшсамччĕ ху.
Тупасчĕ, каялла йăлт тавăрасчĕ
эс пурăнса ирттернĕ кунсене,
унтан, ытараймасăр, вĕсене
çурхи чечексене ман куçарасчĕ,
сана валли пуçкăшăлĕ çыхасчĕ:
«Ман юрату ку!» — тесчĕ çынсене.