Хăнасем пухать хуламăр
Хамăр халăх уявне.
Хăнара пулсан хурлаймăр
Куç тулли капмар тумне.
Тăвансем, çитсе курсамăр
Чăвашсен Шупашкарне.
Си курма кĕрсе тухсамăр
Юмахри пек çуртсене.
Ман çĕршыв çырма-çатраллă,
Çав-çавах хитре вăл ман.
Ма тесен ялсем йăмраллă,
Ăçта пыр — унта вăрман.
Тăвансем, кĕрсе курсамăр
Чăвашсен ялĕсене.
Хăнана кĕме çул такăр
Ыр сунса киленсене.
Тăвансем, хăна пулсамăр
Юбилей кĕрекинче.
Туслăх куркине тытсамăр,
Туслăх пултăр çĕр çинче.