Сĕтел ури авăнать,
Урай хăми авăнать.
Авăнсан та аптрамасть,
Авăнсан та хуçăлмасть.
Сикĕр, сикĕр! Сикмелле.
Туйăн туй пек иртмеллĕ.
Мĕншĕн, ара, ташлас мар,
Мĕншĕн, ара, савнас мар?
Яштак каччи япăх-им,
Сарă хĕрĕ ятсăр-им?
Тăрăс! Тăрăс! тапар-и,
Çĕн мăшăра мухтар-и?
Ав, кĕтесри сар каччă
Çакă хĕре саватчĕ.
Шăлне çыртса ал çупать,
Хĕрне качча ăсатать.
Килекенсем — килччĕрех,
Кĕрекенсем — кĕччĕрех.
Туя туй пек тăвăпăр,
Ырă туя пăсмăпăр.
Сĕтел ури авăнать,
Урай хăми авăнать.
Авăнсан та аптрамасть,
Авăнсан та хуçăлмасть.