Эс ыран
Каятăн, тусăм,
Хĕвелтухăçне ирех.
Асăнмалăх
Хĕрлĕ роза
Кăкăру çине тирем.
Йăлтăр çутине
Сапуçан
Кĕмĕл уйăх хăпарать.
Юлашки хут
Мана, тусăм,
Чуптăван çак пахчара.
Каçсерен
Хумханчăк сулхăн
Сарăлсан укăлчара,
Купăсна тăсса
Тек тухмăн
Хĕр чунне шыра-шыра.
Эс чикке
Çитсе ак тăрăн
Çĕршыва хураллама.
Эп чуптăвăп
Çыру тăрăх
Пăшална та аллуна.
Хĕрлĕ роза
Асăнмалăх
Çиçтĕр сан чĕрӳ çинче.
Эп ыран ир
Пурçăн явлăк
Сулăп пуйăс хыçĕнчен.