Телей тени савăнаçпа тăванлă:
Пĕри çухалсанах тепри те çĕтĕ.
Телей тупăнсанах хавха та çитĕ,
Вĕсем пуртан кун-çулăм манăн анлă.
Кун пек чухне чуна ытла та çăмăл
Вĕтĕртетет пулсан та кĕрхи çумăр!
Ан тив, вăл çутăрах канмасăр çутăр.
Çук, хуçăлмĕ пачах та уншăн кăмăл!
Чунри çанталăкăм çавах хĕвеллĕ,
Ун çут шевлийĕ те, савниçĕм, эсĕ!
Мĕнех кĕтет ыран? Килмест пĕлессĕм
Паян телейлĕ эп! Паян телейлĕ!