Тухрăм эпĕ урама
Куртăм эпĕ урхамах.
Илтĕм эпĕ йĕвенне
Кӳлтĕм эпĕ лашине.
Хура лаша харт сикет,
Çилхи вĕçне вĕçтерет,
Инçе çула вăл чĕнет.
Çил пекех хăй вĕçтерет.
Вĕрентеççĕ авалтан
Ан пул ăссăрла айван.
Ут-лаша эс ан утлан —
Аманмашкăн пултаран.
Хура лаша, тур лаша,
Эсĕ мана ан пăрах.
Путрăм тарăн шухăша:
Юлмăп-ши капла хăрах?
Пач кĕтмен-туман çĕртен
(вĕçнине эп хам та сисмен)
Эпĕ выртап çĕр çинче,
Манăн умра — çут тĕнче.
Хам ниçтан та аманман,
Ал-урана амантман
Пĕрех шухăш пуçăмра:
Тек хăтланмăп ăссăрла.
Çавăнтан вара кайран
Урăх эп ун пек туман.
Лашана курсан ялан
Халь иртетĕп аякран.