Çăлтăрсем, çăлтăрсем, кайăк хур çулĕ пек,
Çынсене тем сĕнсе йăл-л! кулаççĕ.
Ĕмĕтсем, ĕмĕтсем, тӳпери çăлтăр пек,
Кĕрешме, çĕнтерме йыхăраççĕ.
Куçа хупăп, туссем, питĕ йывăр суран,
Ĕмĕте çеç вилмешкĕн ан парăр.
Пирĕн ĕмĕт çитсен, çĕн тĕнче çуралсан,
Тусăмсем, никама та ан манăр.
Ӳкекен çăлтăр пек, тĕнчене çутатса,
Эп сире телей çулĕ кăтартăп.
Сире йывăр килсен, йăлт çунса - вут пулса,
Хам ăшша та сире йăлтах парăп.