(«Хусан чăвашĕсем» ушкăнĕпе «Сувар» хаçат йĕркеленĕ «Юратусăр юрату» конкурсне)
Пĕр-пĕрне килĕштерсен —
Çунат хушнăн туйăнать.
Ĕмĕрлĕхе пĕрлешсен —
Чун-чĕре хавхаланать.
Куçран куç пăхса кулсан —
Йăл-йăл кулă асамлать.
Алла-аллăн тытăнсан —
Утма та çăмăл пулать.
Ăшпиллĕн çупăрласан —
Ăшра ăшă хум чупать.
Кăмăл-туйăмне туйсан —
Вут-çулăм ярса хыпать.
Пĕр-пĕрне сума сусан —
Телейлĕх тĕнчи çумрах!
Пĕр шухăшлă пурăнсан —
Кĕтет çĕр çинчи çăтмах.