Тулта тăрать шартлама сивĕ,
Чунра паян ман питĕ ырă,
Мĕншĕн тесен Çуралнă кун,
Эп кĕтнĕ, тем пек кĕтнĕ кун.
Çулталăкра пĕрре пулать,
Сĕтел тавра хăна пухать,
Телейлĕ вăхăт парнелет,
Чуна вăл техĕмлĕх кӳрет.
Çуралнă кун, хаваслă кун,
Асран кайми чи паллă кун!
Ун чух мана атте-анне
Сунаç чи çепĕç сăмахне.
Ĕçре ялан хастар пулма,
Килтисене чунтан савма,
Аслисене хисеп тума,
Вĕренӳре малта пыма.
Çуралнă кун, телейлĕ кун
Нихçан манми хаваслă кун!
Ялан вăл пултăр çĕр çинче,
Унпа илемлĕ çут тĕнче!