Çавалăмăр,
çаранăмăр,
вăрман хĕрри Вăрнарăмăр,
çутă тĕнчен
вăта çĕрĕ,
сĕткен паран тымарăмăр!
Яш чухнехи
вăкăр сĕчĕ,
тĕнче тавра çавăратăн.
Ватăлăхри
кăкăр сĕчĕ,
тăван çĕре тавăратăн.
Тĕлĕксенчи
ас илӳсем
куç уçсанах çухалаççĕ,
масар çинчи
мăн ватăсем
хăйсен патне йыхăраççĕ.
Ан васкăр-ха,
аннем-аттем,
тата кăштах пурнасчĕ-ха;
ĕмĕтрисем,
çырмаллисем
пĕтменччĕ-ха, нумайччĕ-ха…
1996, çĕртме.