Аннен ялĕ çумĕнче
Сурăм шывĕ сарăлать.
Сурăм шывĕ хĕрринче
Аслă вăрман каш! кашлать.
Пысăк вăрман хӳттинче
Тĕрлĕ чĕр чун пурăнать.
Çӳлте, йывăç тăрринче,
Пакша сикни курăнать.
Кăшт шаларах кĕрсессĕн
Курах каян мулкача.
Çын сассине илтсессĕн
Тапса сикет чăтлăха.
Вăрман пуян чĕр чунтан:
Кашкăрĕ те пур кунта,
Тиллийĕ те чупкалать,
Чĕрĕпĕ те хускалать.
Эп çӳретĕп вăрманта,
Карçинкка тулли кăмпа.
Вăрман илĕртет мана.
Килсе курăр-ха кунта.