Эп тухрăм каç килсен крыльца çине.
Чĕвен тăрса юхать çил кĕрт çийĕпе,
Иртсе каян çамрăклăха чарас пек,
Иртнĕ куна çитме тухса чупас пек.
Йĕрет вăл лăпчăнса карлăк çумне,
Ӳкĕтлесе чĕнет мана хăйпе.
Ытла та шел: манран килес пулсан,
Эп чарăттăм, эп чупăттăм хыçран.
Чĕркуçленсе ларса, пĕр вăтанмасăр
Тархаслăттăм: «Тăхта, епле-ха сансăр?»
Çак паянхи хама ыталаса
Ĕмĕрлĕхех хăварăттăм хамра.