Уяр та сивĕ кун. Хĕлле.
Шап-шурă юр выртать. Чĕлле.
Пите сив сывлăш чĕпĕтет.
Анчах кĕрес килмест пӳрте.
Ман инçете каяс килет —
Хальччен çитсе курман тĕле:
Горизонтри тусем хыçне,
Виçсе пăхмашкăн инçĕшне.
Вĕлтĕртетет юр илĕртсе.
Урасенче ман — йĕлтĕрсем.
Чупма васкаççĕ урасем
Инçетелле. Умра — тусем.
Вăрман çинче — шап-шурă пас.
Ман ун çине килет пăхас.
Ытараймасăр илемне,
Чăмас килет вăрман ăшне.
Ак, вирхĕнетĕп васкаса.
Сив сывлăш уçă та таса.
Сывлатăп çăмăллăн унпа
Эп, киленсе уяр кунпа.