(«Ирĕкпе çăвăнатăп» трагедирен)
Ункă çумĕн утаççĕ
Хусахсем шарламасăр.
Утсене шăвараççĕ
Авăра антарса,
Хырчăкпа тасатса
Çилхерен ачашлаççĕ,
Иккĕ-виççе шăлаççĕ
Йĕтре — ярана.
Килпе çул хушшинчи
Уйрăлу алыхлаçĕ
Хупласа хурайман
Чĕрери сурана.
Пĕтĕм чун-кăмăлтан
Килте çеç юратаççĕ,
Килте хатĕр кĕтме
Ватăлса виличчен...
Чун юратнă çынсем
Куççуль витĕр юрлаççĕ
Пĕлĕтре вĕçекен
Кăвакарчăн çинчен.
Хура тур утсене
Йĕкĕтсем утланаççĕ —
Кăвакарчăн вĕçет
Çаврăнса пуç çинче.
1972, чӳк, 8.