Çĕр
уçлăхра — кăвак, тет.
Çĕр çинчен
вĕçсе кайма пулать, тет, аякка.
Унта, тен, çĕр
лăпкăлăхла çиçет,
унта вăл, тен,
йăлт канăçлă,
яка.
Кунта —
пурин те пур хуйхи-суйхи.
Ăнлантарать
тем
шăпчăк
юпана.
Чун евĕр пушанса юлать уй-хир.
Кунта кашни
хăйне май йăпанать.
Прозаик тинĕс ытамне куçать.
Куçран карап пек
çухалать тĕнче.
Поэт,
тепре килет тесе,
имçам
шырать пуласлăх çӳлĕкĕ çинче.
Кукамăш
Марс çине хăйпе пĕрле
илмен те —
ун мăнукĕ макăрать.
Кунта — чĕре те кайкăр чĕппилле
çунатсемпе çунать пек кăкăрта.