Эй, çӳлти Турă, кĕллĕме илтсем,
Мĕн ыйтнине пурнăçăма кĕртсем.
Мана нумай та кирлĕ мар, пĕлсем,
Пĕр татăк çăкăр, шыв, тăвар…
Илтсем!
Эй, çӳлти Турă, кĕллĕме илтсем,
Чунсăр çынна чунсăрлăхран чĕртсем,
Вăйсăррине Хăв хӳтлĕхне илсем,
Сыхлав çиттипеле витсем…
Илтсем!
Эй, çӳлти Турă, кĕллĕме илтсем,
Ача-пăча, ват çын чĕнет: «Килсем!..»
Эс чĕннĕ çĕре вăхăтра çитсем,
Сывлăшна пире вĕртсе кĕртсем…
Илтсем!