Яваплăхăр пит пысăк сирĕн.
Курмастăр, тен, хăш чух канса.
Эсир этемлĕхе çăлатăр,
Пурне те ырă çеç сунса.
Тăшманĕ, чăн та, питĕ çăткăн.
Каварлă пит — çитменнине.
Унран ялан тарса ӳкеймĕн,
Кураймăн вăл шелленине.
Çапла, пурне те халь пит йывăр.
Сире — пушшех йывăртарах.
Эсир çавах ӳпкелеместĕр
Кунçулăра та шăпăра.
Сире хăш чух, тен, хакламаççĕ...
Тен, тав тумаççĕ те ялан...
Эсир вара — çавах ĕçлетĕр,
Ытти валли вăхăт çукран.
Сире, савса, упратăр Турă!
Упратăр Вăл кашни çынна!
Этем теме те çĕнтерет вăл!
Шанатăп питĕ эп çакна!
23.12.2020