Кăн-Кăвак тӳпе пĕр сассăр
Уçрĕ кантăкне.
Уярне пăхса тăмасăр
Тăкрĕ çумăрне!
Асамат кĕперĕ тухрĕ
Кӳршĕ ял енне.
Ман валли çулне пуль хыврĕ
Савнă тус патне!
Ан васка, тӳпе, тархасшăн
Кантăкна хупма.
Савнине-çке эп курасшăн,
Юрамасть юлма!
Асамат кĕперĕ тăвăр,
Каçаятăп-ши?
Савнă тус килтех-çке пултăр,
Ĕлкĕрейĕп-ши?
Асамат кĕперĕ пултăр
Пĕр самант кăна!
Ăшă çумăрĕ те çутăр
Васкатса мана!
Сан патна часах çитетĕп,
Кĕтсе ил, савни!
Чунăмпа шанса пĕлетĕп:
Эс — телей парни!