Асран кайми, аннем-хĕвелĕм
Каçар мана, каçар мана.
Сан ӳкĕте кĕме пĕлмерĕм,
Кил пăрахса ютра çӳрерĕм
Касар, аннем, каçар мана.
Асран кайми, аннем-хĕвелĕм,
Каçар мана, каçар мана.
Аттем çукран ачаш эп ӳсрĕм,
Мĕн ачаллах килтен эп писрĕм,
Каçар, аннем, каçар мана.
Асран кайми, аннем-хĕвелĕм,
Каçар мана, каçар мана.
Ютра юрла-юрла çӳрерĕм,
Юррăмсене, тен, илтеймерĕн,
Каçар, аннем, каçар мана.
Асран кайми, аннем-хĕвелĕм,
Каçар, аннем, савсам, аннем.
Юрла-юрла килех эп килтĕм,
Юррăмсене санран эп илтĕм,
Юрлар, аннем, юрлар, аннем.