Ухинкелл ялӗпе «Шуҫӑм» утать

Паня, утӑн 4-мӗшӗнче, Чунҫӳрев-2010 черетлӗ 21-мӗш ҫулҫӳреве тухать.

Чунҫӳревпе кӑсӑкланакансем унти ӗҫсем епле пынипе, ҫулҫӳревҫӗсем халӗ ӑҫта ҫитнине КУНТА пӗлме пултараҫҫӗ. Ятарлӑ сайтри кун кӗнеки ҫулҫӳрев вӑхӑтӗнчех тулса пырӗ — ҫула тухайманнисем хӑйсене вӗсемпе пӗрле пулнӑ пек туйса илейреҫҫӗ.

Чунҫӳреве 1990 ҫулта Олег Михайлович Цыпленкова Чӑваш комсомол обкомӗн секретарьне лартнӑ хыҫҫӑн йӗркеленӗ.

Чи малтанах ҫулҫӳреве Чӑваш Республикинче пурӑнакансем ҫеҫ хутшӑннӑ, 1991 ҫулта вара чунҫӳреве республика тулашӗнчи чӑвашсене те илсе кайнӑ — пурӗ 5 ПАЗ автобуспа ҫула тухнӑ. Пӗрремӗш ҫул Пӑлхара ҫеҫ кайнӑ пулсан, иккӗмӗшӗнче ҫулҫӳрев маршрутне Сӑвар хушӑннӑ. Ҫапла майӗпен ҫул вӑрӑмланнӑ, ҫӗнӗ вырӑнсемпе пуянланнӑ. Хальхи вӑхӑтра чунҫӳревҫӗсем Пушкӑрта ҫитиех каяҫҫӗ.

Чунҫӳрев маршручӗ чӑн та интереслӗ. Чӗмпӗр, Пӑлхар, Сӑвар хулисемсӗр пуҫне чӑваш ҫыравҫисен, ӳнерҫисен, тӗпчевҫисен вил тӑприсем ҫине кӗрсе тухаҫҫӗ: Митта Ваҫлейне, Г. Айхине, Анатолий Миттова, Константин Иванова, Николай Ашмарина пуҫ таяҫҫӗ.

Ку ҫулҫӳрев тӗллевӗсем:

▪ чӑваш ҫамрӑкӗсене халӑх историйӗпе тата тымарӗсемпе паллаштарасси;

▪ чӑваш ҫамрӑкӗсен «Сӑвар» пӗрлешӳне кӗртесси (пӗрлешӗве кӗрес тесен чӑвашла ят йышӑнмалла /Пӳлерте/);

▪ Валем Хуҫа ҫӑлкуҫӗ патӗнче вырнаҫнӑ юпа патӗнче тупа туса чӑвашла ят йышӑнасси;

▪ аякри чӑвашсене концертпа савӑнтарасси;

▪ фольклор пухасси.

Пирӗнтен ан юлӑр, пирӗнпе пулӑр!

#Самар облаҫӗ, #Чӗмпӗр облаҫӗ, #чунҫӳрев, #Тутарстан, #Пушкӑртстан, #Хусан