Шупашкар хулин ҫамрӑксен парламенчӗн ҫӗнӗ йышне хатӗрлеме тытӑнаҫҫӗ. Конкурса хутшӑнмашкӑн яш-хӗр заявлени ҫырма пултарать.

Ҫамрӑксен парламенчӗ пирки калакан документпа килӗшӳллӗн, 18–30 ҫулсенчи ҫамрӑксем пайташ пулма пултараҫҫӗ. Суд ӗҫлеме пултарайман тесе йышӑннӑ, судпа айӑпланнӑ ҫынсене ҫеҫ хутшӑнма ирӗк памаҫҫӗ.

Конкурса хутшӑнас тесен заявлени ҫырмалла. Ҫавӑн пекех анкета, паспорт копийӗ, вӗреннӗ е ӗҫленӗ ҫӗртен справка, общество ӗҫне хастар хутшӑннине ӗнентерекен материалсем пулмалла.

Заявленисене кӑрлачан 18-мӗшӗнчен пуҫласа нарӑсӑн 16-мӗшӗччен йышӑнӗҫ. Документсене ҫак адреспа пырса памалла: Шупашкар хули, Карл Маркс урамӗ, 36-мӗш ҫурт, 121-мӗш пӳлӗм.

#политика, #ҫамрӑксем, #Шупашкар