Чӑваш Ен спортсменки Полина Федорова ӑмӑртура маттурлӑхӗпе палӑрнӑ. Пирӗн ентеш унта тӳрех пилӗк медаль ҫӗнсе илнӗ.

Полина ЧР тава тивӗҫлӗ тренерӗ Ирина Николаева патӗнче ӑсталӑхне туптать. Полина Федорова Пензӑра студентсен хушшинче спорт гимнастики енӗпе иртнӗ ӑмӑртӑва хутшӑннӑ.

Пӗтӗм тӗнчери Универсиада чемпионки ирӗклӗ хӑнӑхтарусенче ҫӗнтернӗ, нумай енлӗ кӗрешӳре, сикнинче тата пӗрене ҫинче хӑнӑхтарусем тӑвассинче иккӗмӗш вырӑн йышӑннӑ.

Сӑмах май, Полина Федорова Олимп резервсен ачасемпе ҫамрӑксен 6-мӗш спорт шкулӗнче ӑсталӑхне туптать, И.Н.Ульянов ячӗллӗ ЧПУн экономика факультетӗнче вӗренет.

#спорт, #спорт гимнастики, #Шупашкар, #ЧПУ