Шупашкар хулин депутатсен пухӑвӗ Шупашкарӑн хисеплӗ ҫыннине суйлать. Уншӑн пӗр эрне сасӑлаттараҫҫӗ.

Ку хисеплӗ ята камсем тивӗҫме пултарӗҫ-ха? «Эйм-инвест» АУОн тӗп директорӗ Анатолий Леонтьев, Чӑваш Енӗн пӗрремӗш спортсменки, тивӗҫлӗ канӑва тухнӑ Майя Костина, Тӑван ҫӗршывӑн Аслӑ вӑрҫин ветеранӗ Алексей Яковлев, РФ тава тивӗҫлӗ тухтӑрӗ Николай Григорьев.

Кандитатурӑсене депутатсен комиссийӗн ларӑвӗнче пӑхса тухӗҫ. Ӑна ҫурла уйӑхӗн 10-мӗшӗнче ирттерме тытӑнӗҫ. Сасӑлава та шута илӗҫ.

Сӑмах май, «Шупашкарӑн хисеплӗ ҫынни» ята ҫулталӑкне пӗр хутчен, хула кунӗ умӗн, параҫҫӗ. Кандидатсемпе паллашма тата вӗсемшӗн сасӑлама пулать: gov.cap.ru/vote.aspx?gov_id=81&id=955.

#сасӑлавсем, #Шупашкар