Пурнӑҫ условине килсерен ҫӳресе палӑртӗҫ

Статистика органӗсем Чӑваш Енре пурӑнакансем епле пурӑннине ҫырма тухӗҫ. Ку ӗҫпе вӗсем ҫитес уйӑхра ҫине тӑрӗҫ.

Халӑхӑн пурнӑҫ условийӗсене пур енлӗн сӑнас тӗллевлӗ специалистсем 540 ҫемье пурнӑҫӗпе кӑсӑкланӗҫ. Вӗсенчен 297-шӗ хуларисем тесе пӗлтереҫҫӗ, 243-шӗ — ялтисем.

Ҫырса ҫӳремелли хуҫалӑхсене Шупашкар, Ҫӗнӗ Шупашкар, Улатӑр, Канаш, Ҫӗмӗрле тата Куславкка хулисенче, районсенчен Патӑрьел районӗнчи Ыхраҫырми ялӗнче, Вӑрнар районӗнчи Шинерте, Йӗпреҫ районӗнчи Шӑрттанта, Канаш районӗнчи Ҫӗнӗ Шелттӗмре, Комсомольски районӗнчи Ҫӗнӗ Мӑратра, Муркаш районӗнчи Кашмашра, Вӑрмар районӗнчи Ҫиҫтӗпере, Шупашкар районӗнчи Чаканарта, Етӗрне районӗнчи Эмеккассинче палӑртса хунӑ. Камӑн пурнӑҫ условийӗ еплине ҫынсем каланӑ тӑрӑх ҫырса хурӗҫ.

#Шӑрттан, #Чаканар, #Шупашкар районӗ, #Канаш районӗ, #Вӑрмар районӗ, #Муркаш районӗ, #Йӗпреҫ районӗ, #Вӑрнар районӗ, #Ыхраҫырми, #Вӑрнар районӗ, #Ҫӗмӗрле, #Канаш, #Улатӑр, #Ҫӗнӗ Шупашкар, #Шупашкар, #статистика, #Ҫӗнӗ Мӑрат, #Кашмаш, #Ҫиҫтӗпе, #Эмеккасси