Лозаннӑри спорт арбитраж сучӗ Раҫҫейри темиҫе спортсмена дисквалификациленӗ. Вӗсен йышӗнче пирӗн ентеш те пур.

Суд йышӑнӑвӗпе килӗшӳллӗн, Раҫҫейри хӑвӑрт утакан пилӗк спортсмена дисквалификациленӗ: Иван Носкова, Михаил Рыжова, Денис Стрелкова, Эльмира Алембековӑна тата Вера Соколовӑна.

Мӗншӗн? Вӗсем антидопинг йӗркине пӑхӑнман тесе ҫирӗплетнӗ. Вӗсен юнӗнче мельдони тупман, анчах эритропоэтин тесчӗ «+» паллӑпа ҫирӗпленнӗ.

Ҫапла майпа пирӗн ентешӗн Вера Соколовӑн дисквалификацийӗ кӑҫалхи утӑ уйӑхӗн 15-мӗшӗнчен пуҫланать. 2015 ҫулхи ҫӗртмен 2-мӗшӗнчен пуҫласа 2016 ҫулхи утӑн 15-мӗшӗччен тунӑ ҫитӗнӗвӗсене пӑрахӑҫланӑ.

Вера Соколова хӑй айӑплӑ маррине ӗнентерме тӑрӑшнӑ, тепӗр хутчен проба илме ыйтнӑ. Анчах суд пӗрех ун майлӑ йышӑну туман.

#спорт, #тӗнчере, #тӗрӗслевсем, #допинг