Чӑваш Енри виҫӗ самбистка ҫамрӑксен тӗнчери ӑмӑртӑвӗнчен ылтӑн медальсемпе килнӗ. Румынире иртнӗ тупӑшӑва 30 ҫӗршыври 374 спортсмен хутшӑннӑ.

Олимп резервӗсен ачасемпе ҫамрӑксен 10-мӗш спорт шкулӗнче ӑсталӑхне туптакан Вера Лоткова, Наталия Степанова тата Регина Миндубаева пухмача медальсемпе пуянлатнӑ. Пӗрремӗш кунхинех пирӗн ҫӗршыв пухмачӗ 11 ылтӑн медальпе тулнӑ. Кунашкал медале Регина Миндубаева та ҫӗнсе илнӗ.

Иккӗмӗш кунхине кавир ҫине Наталия Степанова тухнӑ. Вӑл 48 килограмм тайман виҫе категорийӗнче пьедесталӑн ҫӳлти картлашки ҫине хӑпарнӑ. Вера Лоткова та ҫак виҫе категорийӗнче ҫӗнтернӗ.

Палӑртса хӑвармалла: пирӗн виҫӗ спортсменка та Сергей Пегасов тренер патӗнче ӑсталӑхне туптаҫҫӗ.

#спорт, #самбо, #ҫитӗнӳсем, #Румыни, #ачасем