Шупашкар мэрӗ хӑйӗн тивӗҫӗсене тӳлевсӗр пурнӑҫласси пирки нумай калаҫрӗҫ. Ку ыйтӑва сӳтсе явнӑ-ха, анчах должноҫе кам йышӑнӗ?

Кӗҫех ку ыйту та татӑлӗ. Ыран, чӳк уйӑхӗн 29-мешӗнче 14 сехетре, Шупашкарти депутатсен пухӑвӗнче мэра суйлӗҫ. Ӑна вӑрттӑн сасӑлавпа палӑртӗҫ.

Ҫапла майпа ыран 15 сехет тӗлне ку тивӗҫе кам пурнӑҫласси паллӑ пулӗ. Аса илтерер: Леонид Черкесов ку должноҫрен юпа уйӑхӗн 4-мӗшӗнче кайнӑ. Ун вырӑнне вӑхӑтлӑха Ирина Клементьева юлнӑ.

Сӑмах май, Шупашкар мэрӗ ӗҫ укҫисӗр ӗҫлесси пирки Пиллӗкмӗш канал кӑтартнӑ. Единороссем хула пуҫлӑхӗ укҫасӑр ӗҫлемелле тесе йышӑннӑ.

#политика, #депутатсем, #тӳре-шара, #Шупашкар, #ӗҫ вырӑнӗсем