Ыран, раштавӑн 27-мӗшӗнче, «Фучик-Айхи» ҫул ҫыхӑнӑвӗнче транспорт ҫӳреме тытӑнӗ. Ӑна темиҫе ҫул каялла уҫнӑ. Анчах кунпа ҫыхӑннӑ савӑнӑҫлӑ мероприяти пулман.

Ҫак кунсенче ҫула хупланӑ блоксене илнӗ, ирхине ҫӗнӗ ҫулпа общество транспорчӗ ҫӳреме тытӑнӗ.

Шупашкар хула администрацийӗн ЖКХ, энергетика, транспорт тата ҫыхӑну управленийӗ пӗлтернӗ тӑрӑх, ҫав ҫулпа 2-мӗш (Роза Люксембург – «Садовый» микрорайон), 12-мӗш («Садовый» микрорайон – «Благовещенский» микрорайон) тата 65-мӗш (Дементьев урамӗ – Стартовая урамӗ) номерлӗ автобуссем ҫӳрӗҫ.

Сӑмах май, унччен ҫак ҫула раштавӑн 20-мӗшӗччен уҫма палӑртнӑ. Анчах палӑртнӑ кун тӗлне ӗлкӗреймен.

#Шупашкар, #транспорт, #ҫул-йӗр