Лариса Цветкова

Акан 22-мӗшӗнче иртнӗ «Чӑваш пики» ӑмӑрту пирки пӗлтерсеччӗ ӗнтӗ — кӑҫал вӑл ята Локтева Виктория тивӗҫрӗ. «Вице-чӑваш пики» ят вара Лариса Цветковӑна, Муркаш районӗн пикине лекрӗ.

Ытти пикесем те пӗчӗк ҫӗнтерӳсемсӗр каймарӗҫ. Титулсем кӑҫал чӑн та нумай пулчӗҫ. Кашни спонсор хӑйне килӗшнӗ пикене суйларӗ тесен те йӑнӑш пулмӗ.

● Куракансем кӑмӑлланӑ пике — Алена Кузьмина (Шӑмӑршӑ районӗ);

● Хӳхӗм пике — Ольга Митрофанова (Патӑрьел районӗ);

● Ҫепӗҫ пике — Татьяна Тябукова (Елчӗк районӗ);

● Ӑс пике — Мария Степанова (Красноармейски районӗ);

● Хастар пике — Кристина Михайлова (Йӗпреҫ районӗ);

● Спорт пики — Оксана Кириллова (Сӗнтӗрвӑрри районӗ).

ЧНК президенчӗ Виктория Локтевӑна ҫавӑн пекех ятарлӑ парнепе чысларӗ. Чи лайӑх тумшӑн Етӗрне районӗнчен килнӗ Светлана Ивановӑна чысларӗҫ.

Спонсорсен парнисем ҫак пикесене лекрӗҫ:

● Мисс «Паха тӗрӗ» — Анастасия Михайлова (Элӗк районӗ);

● Мисс «Кӗрӗк» — Татьяна Тябукова (Елчӗк районӗ);

● Мисс «Голыцин» — Оксана Кириллова (Сӗнтӗрвӑрри районӗ).

Чӑваш халӑх сайчӗ ҫӗнтернӗ ятпа пур пикене те саламлать, малашне те малти ретсенче пыма сӗнет!

Сӑнсем (Н. Плотников сӑнӗсем)

#Муркаш районӗ, #ӑмӑртусем, #Чӑваш пики