Кӑрлачӑн 30-мӗшӗпе нарӑсӑн 3-мӗш кунӗсенче пирӗн сайтра эсир ҫак кӑсӑклӑ хыпарсемпе паллашма пултартӑр (чи нумай пӑхни тӑрӑх вырнаҫтарнӑ):

• Пирӗнтен ӗмӗрлӗхех Василий Дедушкин уйрӑлса кайни чылайӑшне хурлантарчӗ;

• Теприсем харӑсах миллионер пулса тӑни чылайӑшне кӑсӑклантарчӗ;

• Чеченсемпе чӑвашсем мӗнле фильм ӳкерме шутласа хуни пирки пӗлтертӗмӗр;

• Шупашкарта чӑнкӑ номерлӗ «Мерседес» мӗнпе тӗлӗнтернине хыпарларӑмӑр;

• Академи драма театрӗнче мӗнле паллӑ поэтӑн юбилейне палӑртнине пӗлме пултартӑр;

• Чӑвашла вӗренмелли пособи тата кам хатӗрлеме шутлани пирки каласа патӑмӑр;

• Вилнӗ ҫынна асӑнма кайсан та шар курма пултарни пирки систертӗмӗр;

• Миллионлӑх парӑма кӗме мӗнле туй ирттермелли пирки каласа патӑмӑр;

• Гуманитари институчӗ хӑйӗн кӑларӑмӗнче мӗнле шӑтӑк курка пирки каласа пани ҫинчен хыпарларӑмӑр;

• Йӗпреҫри пӗремӗке Элтепер мӗншӗн хурланине уҫӑмлатрӑмӑр.

Ку эрнере пирӗн хыпарсене вуласа эсир ҫавӑн пекех Патшалӑх Канашӗн депутачӗ ҫивӗч ҫӗҫӗпе кама инкек кӑтартнине, ашшӗ-амӑшне мӗншӗн ППЭ тыттарассине, Европӑри суд Шупашкар ҫыннине мӗншӗн хӳтӗленине, Шупашкарти кӗпере мӗнле эрешпе капӑрлатма шутланине тата Владимир Синяев режиссёр мӗнле ҫӗнӗ фильм экран ҫине кӑларнине пӗлме пултартӑр.

Эрнене пӗтӗмлетсе вара ӑна «Ҫӗнӗ фильмсем тата кӗперсем» ят пама пулать тесе шутлатпӑр.

#чӑваш чӗлхи, #Шупашкар, #кӗперсем, #Йӗпреҫ, #апат-ҫимӗҫ, #юбилейсем, #фильмсем, #ЧПГӐИ