Пуш уйӑхӗн 20-мӗшпе 25-мӗшӗсенче пирӗн сайт ҫак кӑсӑклӑ пулӑмсемпе паллаштарчӗ (вӗсене ытти чухнехи пекех чи нумай пӑхни тӑрӑх вырнаҫтарнӑ):

• Пирӗн сайта МИХ пек регистрацилени ҫинчен пӗлтертӗмӗр;

• Фёдорова Алевтина мӗнле сумлӑ пукан йышӑнни пирки хыпарларӑмӑр;

• Тинех «Хастарлӑх ҫӑлкуҫӗ» ӑмӑртура камсем мала тухни пирки каласа патӑмӑр;

• Ачасемпе чӑвашла калаҫакансен вырӑнӗ ӑҫта вырнаҫнине систертӗмӗр;

• «Контактра» Скайп урлӑ чӑвашла мӗнле калаҫма май пуррин вӑрттӑнлӑхне уҫрӑмӑр;

• Александр Иванов министр пирки мӗнле сас-хура ҫӳренине каласа патӑмӑр;

• Ефим Никитин ҫыравҫӑна ентешӗсем мӗнлерех сума суни ҫинчен хыпарларӑмӑр;

• Юрий Садовников Мускав ҫывӑхнерех ӗҫлеме куҫасси пирки систертӗмер;

• Вадим Николаев сенатора Матвиенко мӗншӗн аванмарлатнине пӗлме пултартӑр;

• Ҫӗрпӳ районӗнче ӗнесемпе мӗнле пӑтӑрмах сиксе тухнине пирки каласа патӑмӑр.

Ку эрнере ҫавӑн пекех эпир сире Владимир Викторова мӗнле должноҫе шанса пани ҫинчен, Юрий Кручинин малашне ҫын правине хӳтӗлемесси ҫинчен, «Чӗнтӗрлӗ чаршава» камсем хакласси пирки, ҫамрӑк водительпе васкавлӑ пулӑшу машинипе менле пӑтӑрмах сиксе тухни ҫинчен, каракал сутни мӗншӗн прокуратурӑна сисчӗвлентерни пирки хыпарларӑмӑр.

Яланхи пекех эрнене пӗтӗмлетсе унӑн ятне пӗлтеретпӗр. Пирӗн шутпа ӑна «Чӑваш халӑх сайчӗпе тӳре-шара ылмашӑвӗ» теме пулать.

#Ҫӗрпӳ районӗ, #тӳре-шара, #ӗҫ вырӑнӗсем, #сайтсем, #эрне хыпарӗсем, #культура, #вӗренӳ