Чӑваш Енӗн прокуратури ишӗлекен ҫуртсене сӳтесси (вӗсенчен ҫынсене хӑтлӑ хваттерсене куҫарнӑ, ҫурчӗсем тӑрса юлнӑ) епле пынине тишкернӗ.

Кивӗ ҫуртран куҫармалли 2013–2017 ҫулсенчи республика программине 844 ҫурта кӗртнӗ. Патӑрьел, Елчӗк районӗсенче тата Ҫӗнӗ Шупашкарта япӑх ҫурт-йӗр ҫук-мӗн.

Прокуратура тӗрӗсленӗ вӑхӑтра 553 ҫуртран ҫынсене ҫӗнӗ ҫӗре куҫарнӑ. Вӗсенчен 364-шне ишнӗ, ыттисене тӗкӗнмен.

Пушанса юлнӑ ҫуртсене пӗтӗмпех пушатса пӗтернисем — 10 муниципалитет: Йӗпреҫ, Комсомольски, Красноармейски, Хӗрлӗ Чутай, Муркаш, Пӑрачкав, Ҫӗрпӳ, Шӑмӑршӑ, Ҫӗмӗрле, Тӑвай.

12 район-хулара 189 ҫуртран ҫынсене ҫӗнӗ ҫӗнӗ куҫарса пӗтермен, ҫав шутран 72-шӗнчен куҫармалли вӑхӑт иртсе кайнӑ. Вӑхӑтра мера йышӑнманнисем шутӗнче прокуратура, Улатӑр, Канаш, Шупашкар, Ҫӗмӗрле хулисене, Улатӑр, Элӗк, Вӑрмар, Шупашкар тата Етӗрне районӗсене асӑннӑ.

#Канаш, #Улатӑр, #Тӑвай районӗ, #Ҫӗмӗрле районӗ, #Шӑмӑршӑ районӗ, #Ҫӗрпӳ районӗ, #Пӑрачкав районӗ, #Муркаш районӗ, #Хӗрлӗ Чутай районӗ, #Красноармейски районӗ, #Комсомольски районӗ, #Йӗпреҫ районӗ, #Ҫӗнӗ Шупашкар, #Патӑрьел районӗ, #Елчӗк районӗ, #ҫурт-йӗр, #Шупашкар, #Ҫӗмӗрле, #Улатӑр районӗ, #Элӗк районӗ, #Вӑрмар районӗ, #Шупашкар районӗ, #Етӗрне районӗ, #прокуратура