Кӑҫал Чӑваш Енре Раҫҫей спорт мастерӗн ятне тивӗҫнисен шучӗ унчченхинчен палӑрмаллах нумайланнӑ. Пурӗ 55 спортсмен ҫак ята илме пултарнӑ. Иртнӗ ҫулпа танлаштарсан ҫакӑ 26 ҫын ытларах тенине пӗлтерет.

Кӑҫалхи раштав уйӑхӗн 28-мӗшӗнчи ҫӗршывӑн спорт министрӗн Павел Колобковӑн хушӑвӗпе тата тепӗр ҫынна Раҫҫей спорт мастерӗн ятне панӑ. Ҫак йышра: Екатерина Львова (ҫӑмӑл атлетика), Алевтина Иванова (пауэрлифтинг), Сергей Бирюков тата Антон Иванов (сусӑрсем), Александр Зайцев, Анна Павлова тата Мария Степанова (ухӑҫӑсем), Александр Васильев тата Денис Комиссаров (триатлон).

Сӑмах май, кӑсал 5 атлет тӗнче класлӑ спорт мастерӗ пулса тӑнӑ.

Чӑваш Енӗн Спорт министерстви вӗсене пурне те ҫав ятпа саламланине пӗлтернӗ.

#Спорт министерстви, #чыслав, #спорт