Сар.ru сӑнӗ

Шупашкарта пурӑнакансене 10-мӗш троллейбус ҫаплах ҫӳреме тытӑнманни пӑшӑрхантарать. Сӑлтавӗ те паллӑ: нарӑс уйӑхӗнче республикӑри массӑллӑ информаци хатӗрӗсем хайхи маршрутпа троллейбуссем пӗр эрнерен ҫӳреме тытӑнассине хыпарларӗҫ. Вӑхӑт унтанпа самай иртрӗ. Хула администрацийӗ пӗлтернӗ тӑрӑх, 10-мӗш троллейбус пуш уйӑхӗн вӗҫӗнче кӑна ҫула тухӗ. Кун пирки «ПроГород Чебоксары» кӑларӑм ҫырать.

Чукун ҫул вокзалӗпе «Сад» микрорайона сыпӑнтаракан маршрутпа мӑйракасӑр 5 троллейбус ҫӳрессине пӗлтернӗччӗ. Шупашкара тӑваттӑшӗ ҫитнӗ ӗнтӗ, пӗри ҫаплах ҫук. Шупашкарти троллейбус управленийӗ шӑпах ҫав пиллӗкмӗш троллейбус килессе кӗтет иккен.

«Шантарнӑ вӑхӑтра поставщик илсе килеймерӗ. Кӳрсе килсен троллейбус тӗрӗслев витӗр тухӗ. Ун хыҫҫӑн вара, пуш уйӑхӗн вӗҫӗнче, мӑйракасӑр 5 троллейбус 10-мӗш маршрутпа ҫӳреме пуҫласса шанатпӑр», – тенӗ Шупашкар хула администрацийӗнче.

#ҫул-йӗр, #Шупашкар, #троллейбуссем, #транспорт