ЧР Спорт министерствин тӗп бухгалтерӗ, финанспа экономика пай пуҫлӑхӗ ӗҫ вырӑнӗпе усӑ курнӑ тесе РФ Следстви комитечӗн Чӑваш Енри следстви управленийӗ ун тӗлӗшпе пуҫиле ӗҫ пуҫарнӑ.

Прокуратура тӗрӗслевӗ хыҫҫӑн йӑлтах тӑрӑ шыв ҫине тухнӑ. Министерствӑра ӗҫри мобильлӗ ҫыхӑнупа усӑ курма пултаракан ӗҫченсен списокӗ, вӗсем уйӑхне мӗн чухлӗ расхутламалли виҫе пур. Ҫак списока тӗп бухгалтер кӗмен.

Ҫапах вӑл 2017 ҫулхи раштавран пуҫласа кӑҫалхи нарӑсчен хысна укҫине телефон счечӗ ҫине хунӑ. Пӗтӗмпе – 18 пин тенкӗ.

Кунсӑр пуҫне унччен спорт министрӗ хысна укҫине темиҫе ҫул телефон счечӗ ҫине хунипе хуманнине тӗрӗслеҫҫӗ.

#политика, #тӳре-шара, #прокуратура, #тӗрӗслевсем, #укҫа-тенкӗ