Ӗнер пирӗн республикӑра «Ҫӗнӗ ятсем уҫатпӑр» VII литература конкурсӗн ҫӗнтерӳҫисене чысланӑ. Ку ӑмӑрту, Марина Карягина тележурналист, сӑвӑҫ тата поэт Фейсбукра пӗлтернӗ тӑрӑх, виҫӗ ҫулта пӗрре иртет. Ҫӗнтерӳҫӗсене Республикӑн ача-пӑчапа ҫамрӑксен вулавӑшне пухнӑ.

Литература конкурсне 34 автор 46 ӗҫ тӑратнӑ. Вӗсем 10 районпа 4 хуларан: Элӗк, Патӑрьел, Вӑрнар, Йӗпреҫ, Канаш, Куславкка, Вӑрмар, Ҫӗрпӳ, Шупашкар, Тӑвай районӗсенчен, Канаш, Ҫӗнӗ Шупашкар, Шупашкар, Ҫӗмӗрле хулисенчен.

Конкурс проза, поэзи, драматурги номинацисемпе иртнӗ. Хайлавсене чӑвашла тата вырӑсла ҫырнӑ. 61 проценчӗ сӑвӑсемпе конкурса хутшӑннӑ, 30% — проза номинацире, 9% — драматурги енӗпе.

Конкурса Лидия Филиппова, Раиса Сарпи, Ольга Туркай, Марина Карягина, Дмитрий Суслин ҫыравҫӑсем тата ЧР Культура министерствин пай пуҫлӑхӗ Инна Ильина хакланӑ.

15-21 ҫулсенхисенчен «Проза» номинацире Йӗпреҫ районӗнчи Екатерина Кошелева «Сӗт хакӗ» хайлавпа, 22-30 ҫулсенхисенчен Вӑрнар районӗнчи

Ольга Австрийская (Иванова) «Чи ҫутӑ ӗмӗт» хайлавпа ҫӗнтернӗ. Вырӑслисенчен Шупашкарти

Дария Перевезенцева (15-21 ҫулсенчисем хушшинче) мала тухнӑ.

Чӑвашла сӑвӑ ҫыракансенчен Шупашкарти Ольга Александрова (15-21 ҫулсенчисем), Куславкка районӗнчи Олеся Михайлова 22-30 ҫулсенчисем), вырӑсла шӑрҫалакансенчен Шупашкарти Анастасия Грядасова палӑрнӑ. «Драматурги» номинацире — Йӗпреҫ районӗнчи Екатерина Устинова (Александрова).

#Канаш, #Тӑвай районӗ, #Шупашкар районӗ, #Ҫӗрпӳ районӗ, #Вӑрмар районӗ, #Куславкка районӗ, #Канаш районӗ, #Йӗпреҫ районӗ, #Вӑрнар районӗ, #Патӑрьел районӗ, #Элӗк районӗ, #кӗнекесем, #культура, #Ҫӗнӗ Шупашкар, #Шупашкар, #Ҫӗмӗрле, #чыславсем