Шупашкарти пӗр ача пахчинче ачасем урама уҫӑлма тухсан наркӑмӑшланнӑ. Вӗсене ҫийӗнчех Хулари ача-пӑча клиника пульницине илсе ҫитернӗ.

ЧР Сывлӑх сыхлавӗн министерстви пӗлтернӗ тӑрӑх, 5 ҫулти икӗ шӑпӑрлан ача пахчинче выляма тухсан кӑмпа ҫисе наркӑмӑшланнӑ. Вӗсем ӑна вылямалли верандӑра ҫумӗнче тупнӑ та ҫисе янӑ.

Пульницӑра ачасен хырӑмлӑхне тасатса кӑларнӑ. Халӗ вӗсем хӑйсене лайӑхах туяҫҫӗ, вӗсене киле янӑ.

Астӑвӑр: 14 ҫул тултарман ачасене пачах кӑмпа ҫитерме юрамасть. Вӗсен хырӑмлӑхӗнче ӑна ирӗлтерме ферментсем ҫителӗксӗр.

#Шупашкар, #ача пахчисем, #пульницӑсем, #ачасем