«Ҫӗнӗ хула» микрорайона Республика кунӗнче 3-мӗш маршрутпа ҫӳрекен троллейбус ярӗҫ. Кун пирки маларах хыпарланӑччӗ. Ҫавна май микрорайонта общество транспорчӗн чарӑнӑвӗсем тата пулӗҫ. Вӗсем валли вара ятсем кирлӗ.

Шупашкар хула администрацийӗн ЖКХ, энергетика, транспорт тата ҫыхӑну управленийӗ чарӑнусене ятсем парасси пирки комиссие ходатайство янӑ.

Иван Прокопьев урамӗнче вырнаҫнӑ чарӑнусене ҫакнашкал ятсем парӗҫ: «Иван Прокопьев урамӗ», «65-мӗш шкул», «Бульвар», «Скейт-парк».

#Шупашкар, #Республика кунӗ, #троллейбуссем