forum.na-svyazi.ru сайтри сӑн

Авӑн уйӑхӗн 1-мӗшӗнчен Шупашкарта общество транспортӗнче ытларах укҫа тӳлеме тивӗ. Тепӗр икӗ эрнерен 2 тенкӗ ытларах кӑласра хумалла.

Авӑнӑн 1-мӗшӗнчен троллейбусра 22 тенкӗ тӳлемелле, карточкӑпа – 20 тенкӗ. Автобусра вара билет хакӗ 25 тенкӗ пулӗ, карточкӑпа – 21 тенкӗ.

Тролейбуспа пӗр уйӑх ҫӳремелли билет 900 тенкӗ тӑрӗ. Вӗренекенсен куншӑн 650 тенкӗ кӑларса хумалла. Каласа хӑвармалла: пӗлтӗр общество транспортӗнче хак икӗ хутчен ӳснӗ – утӑ уйӑхӗн 7-мӗшӗнче тата раштавӑн 1-мӗшӗнче.

#Шупашкар, #троллейбуссем, #автобуссем, #хаксем