bashinform.ru сайтран илнӗ сӑн

Етӗрне хулинче пурӑнакан хӗрарӑм тӑванӗнчен аванмарланса тӑман – вӑл йӑмӑкӗн укҫине вӑрланӑ. Хайхискер кӑҫалхи ака уйӑхӗн 1-16-мӗшӗсенче унӑн банк счечӗ ҫинчен 120 пин тенке яхӑн йӑкӑртнӑ. Укҫа-тенкӗпе хӑй пӗлнӗ пек усӑ курнӑ.

34 ҫулти хӗрарӑм тӗлӗшпе пуҫиле ӗҫ пуҫарнӑ. Ӑна суд пӑхса тухнӑ ӗнтӗ. Тӑванӗ укҫине вӑрланӑ хӗрарӑма тӗрмене хупмасӑр 2 ҫуллӑха айӑпланӑ. Тӗрӗслев вӑхӑчӗ – 2 ҫул. Хальлӗхе приговор саккунлӑ вӑя кӗмен.

Сӑмах май, нумаях пулмасть Шупашкарта 18 ҫулти студент общежитири кӳршин 300 пин тенкине вӑрлани пирки пӗлтернӗччӗ.

#Етӗрне, #Шупашкар, #укҫа-тенкӗ, #судсем