Чӑваш Енри тӳре-шара «тӳре лини» ирттерессине ҫӗнӗрен йӗркелеме тытӑнӗ. Ҫакӑн пирки Чӑваш Енӗн влаҫ органӗсен официаллӑ порталӗнче пӗлтернӗ.

Халӑхпа чи малтан ЧР Сывлӑх сыхлав министерстви ҫыхӑнӗ. Вӑл кунне те палӑртса хунӑ ӗнтӗ. «Тӳрӗ линие» асӑннӑ министерство чӳк уйӑхӗн 21-мӗшӗнче йӗркелӗ. Каярах – ЧР Культура министерстви (чӳк уйӑхӗн 28-мӗшӗнче), Ӗҫ министерстви (раштавӑн 5-мӗшӗнче), Спорт министерстви (раштавӑн 19-мӗшӗнче).

Мӗнпур «тӳрӗ линие» Чӑваш Енӗн влаҫ органӗсен видеохостингӗнче video.cap.ru онлайн-режимпа кӑтартӗҫ.

ЧР Сывлӑх сыхлав министерстви ирттерекен «тӳрӗ лини» 15 сехетре пуҫланӗ. Ыйтусене халех йышӑнаҫҫӗ. Вӗсене электрон адреспа https://forms.cap.ru/modules/form_builder/published/zdrav.php ӑсатма май пур. Видеоыйтусене «Там-Там» (https://tt.me/Pryamaya_liniya) мессенждерта йышӑнаҫҫӗ. «Тӳрӗ лини» вӑхӑтӗнче (8352) 56-51-00 телефон номерӗпе шӑнкӑравлама май килӗ.

#Ӗҫ министерстви, #Сывлӑх сыхлав министерстви, #Культура министерстви, #Спорт министерстви