Шупашкар хулинчи Калинин районӗнче пурӑнакан виҫӗ ача бассейнра шыва кӗрекенсен япалисене вӑрланӑ. Кун пирки Чӑваш Енри Шалти ӗҫсен министерствин пресс-служби пӗлтернӗ.

Яшсем Шупашкарти Трактор тӑвакансен культура керменӗ патӗнчи фонтанта шыва кӗрекенсен пурлӑхне куҫ хывнӑ. Пуҫтахсем виҫҫӗн пулнӑ. Ҫул ҫитменскерсем шыва кӗрекенсем тимлӗхе ҫухатнӑ самантпа усӑ курнӑ.

Вӑрӑ ӗҫӗпе мала каяймӑн – йӗрке хуралҫисен аллине ҫакланнӑ. Ачасене ҫул ҫитменнисемпе ӗҫлекен тытӑмӑн профилактика учетне тӑратнӑ.

Сӑмах май каласан, утӑ уйӑхӗн 27-мӗшӗнчен пуҫласа ҫурла уйӑхӗн 6-мӗшӗччен пирӗн республикӑра «Подросток» (чӑв. Ҫул ҫитмен ҫамрӑк) оперативлӑ профилактика мероприятийӗ иртет.

#Шупашкар, #пӑтӑрмахсем, #ачасем, #вӑрӑсем, #ШӖМ