Кӑҫал пирӗн республикӑра ача пахчисене, шкулсене, пульницӑсене, социаллӑ ытти учреждение ытти ҫулхинчен маларах ӑшӑ пама пултараҫҫӗ. Кун пирки паян Правительство ҫуртӗнче иртнӗ канашлура сӑмах хускатнӑ. Республика Элтеперӗн тивӗҫӗсене вӑхӑтлӑх пурнӑҫлакан Олег Николаев каланӑ тӑрӑх, Роспотребнадзор ӑшша иртерех пама сӗнет. Ҫакӑ шӑнса пӑсӑлнипе сарӑлакан чир-чӗре сарасран асӑрханас тӗллевпе ҫыхӑннӑ.

Республикӑн строительство, архитектура тата ҫурт-йӗрпе коммуналлӑ хуҫалӑх министрӗ Александр Героев каланӑ тӑрӑх, социаллӑ культура объекчӗсенчен 95,8 процентне хӗле валли хатӗрлесе ҫитернӗ.

#коммуналлӑ хуҫалӑх, #Строймин, #ҫурт-йӗр, #канашлусем, #сывлӑх